Hunger Strike..?

0ea4902f4e6e01dd

هلووو

طبعاً بعضكم على علم بالخلاف اللي صار بيني وبين أهلي وخرب عليه الويكند كلللله

طبعاً الخلاف هالمرة كان كبير نوعاً ما أو يمكن أنا كبرت الموضوع أو هم اللي كبروه ترى كل شي وارد

حبست عمري في غرفتي طول الويكند

بس طلعت مرة وحدة وهي نفسها الطلعة اللي انسرق فيها تلفوني لني أنا قطيته في مكان ونسيت وين <=—من اليوع

بدون أكل أو شرب يقالي مسوية هنقر سترايك

وأنا أساساً نظامي الغذائي البايخ عبارة عن هنقر سترايك يعني ماسويت شي يديد

أنا متعودة أتم يوم كامل بدون أكل أو حتى يومين وفي نهايتهم آكل وجبة وحدة

بس هالمرة طولت شوي تقريباً 3 أيام وشي لا أكل ولا شرب يعني حتى سناك ماشي

في النهاية تعرضت لإغماء متكرر مما أدى إلى تهزيء يديد منهم بس انتهى الزعل اللي بينا ورجعت المياه لمجاريها

f7up-23fb40a015

طول هالأيام علي يحاول يقنعني اني آكل

يقولي ماتبين تاكلين من بيتهم <=—على قولتي أنا مابا آكل من بيتهم شي

انزين أنا بييب لج شي تاكلينه

قلت له لا

قال انزين بروح أسوي لج أوردر وبخليهم يوصلونه بيتكم

قلت له لا أصلاً لو أبا جان أنا بسوي أوردر حق نفسي وباكل

أنا مضربة عن الطعام حتى إشعار آخر

وهو يقولي صحتج تعبانة حرام اللي تسوينه

بس الدراما كوين اللي هي أنا لازم تسوي أكشن في البيت ولا تموت

أمي وأبوي كانوا اييبون لي أكل يحطونه عند باب الغرفة بس مايرضون يكلموني

ماعرف كيف متوقعين مني باكل شي من عندهم وهم مخاصميني ههههه

m-abd3 (4) 

iphone-power-on-l

4317965867_87ae7fec3f

طبعاً أنا ضايعة تماماً بدون البي بي أكثر ربعي اللي أتواصل وياهم  سواء عالبي بي ام او المسن مب قادرة أوصل لهم لني مب دايماً أشبك من اللاب توب

أحب أقولهم وحشتوووني والله امواح انتوا :*

شي ثاني أنا شكلي هالمرة ماباخذ بلاك بيري خاطري في آي فون

<=—غارت من بنت عمها ههههه

لا جد انتوا شو رايكم بلاك بيري ولا آي فون ولا شو اخذ لي؟

996  996  996 

بما اني قررت أغير لاب توبي الكحيان مسكين يصرخ الغوث

من كل صوب مشلخ ومكسر وحالته حالة ماعرف كيف متحملني

بس متحيرة أخذ لي أي نوع .. شو تنصحوني؟

طبعاً علي لما سمع بالسالفة عرض علي انه يشتري لي لاب توب

وهالشي يضايقني تصدقون؟

مسكين أي شي يصير خاطري فيه يعرض علي انه يشتريه لي وأحياناً يشتريه بدون مايقولي حتى

أنا أتضايق أحس اني استغله

الحين يقولي اللاب توب والتلفون انسي أمرهم بس قوليلي تبين أي نوع ويوصلونج لين البيت

أقوله أنا هالهدايا وهالحركات ترى تزعلني

قال بتزعلين ازعلي بس أنا حاب أسوي الشي وفرحان بعد ليش تحبين تعاستي ليش تكرهيني؟<=—وايد تعلم كلام خايس مني

996  996  996 

cadbury-milk-chocolate

أمس بعد ماطلعت من الجامعة كنت أتكلم وياه عالتلفون

قالي انتي وين أي شارع

حددت له المكان بالضبط وكملنا سوالف

عقب دقايق وقفت عند إشارة أنا وهو مازال وياي عالخط

وأنا فالسيارة ما أشوف إلا واحد مبطل باب السيارة وقاط في حضني جيسة كبيرة

ورب الكعبة أنا تروعت من الخوف

طبعاً هالواحد طلع علي بس أنا من الخوف وكل شي صار بسرعة ماانتبهت له زين

بس عرفته من مقفاه وهو يمشي راجع سيارته

الوقح هههههه

شو تتوقعون فيها الجيسة

كاكاو فليك + كادبوري + تايم آوت + ام اند امز+ عصير داناو + دانيت +هارد دسك بو 320 جي بي

تذكرت اني قبل ليلة كنت أتكلم وياه عالتلفون وقلت اني خاطري في هالخرابيط بالإضافة إلى الهارد دسك اللي كنت أتكلم عنه لني أبا أغير اللاب توب والهارد دسك اللي عندي مخليته حق الجامعة ومافيه مكان أصلاً شبه مليان

والأخ كان يسجل الطلبات في ورقة عشان ماينسى  شي ههههه

وربي كلما أقول خاطري في شي يسجله وأنا من طباعي البايخة والغريبة كل خمس دقايق يكون خاطري في شي مختلف ماعرف ليش وايد أتشهى تقول حامل

بديتوا تحسون اني غريبة أطوار ؟ <=—لا فديتج تأكدوا

مايستفاد من الموقف :

1- مب كل شي خاطركم فيه تقولونه بصوت عالي خصوصاً إذا كان عندكم ملاقيف مثل علوه الزفت

2- مب أي حد يسألكم انتوا في أي شارع تعطونه إجابة صحيحة خصوصاً إذا كان اللي يسأل شخص مثل علوه

3- دائماً وأبداً قفلوا بيبان السيارة خصوصاً إذا تعرفون ناس شرات علوه

4- تأكدوا من ربط أحزمة السلامة <=—شدخل …؟ والله كيفي بنصح باللي يعجبني

جاو جاو إلى لقاء آخر :*

1 التعليقات:

Godless يقول...

الشوكلاطة الي في الصورة هو أحسن شكولاااه.. بجد ما أمزح.

إرسال تعليق

هلا واللهـ :)
منورين يابعدي
مشكورين عالتعليق قلبوووش